Esleipena. Errekurtsoa jartzeko legitimazio aktiboa: hirugarrena SPKLren 150.1 artikuluko zerrendan sailkatuta dago, eta bertan aurretik dauden bi enpresak baztertzea eskatzen du. Proposamenen luzeraren muga: doktrina orokorra; botere adjudikatzaileak operadore ekonomikoen kontsultei emandako erantzunak, adjudikazio-irizpideak aplikatzeko informazio gehigarri garrantzitsurik ematen ez dutenak eta mugaren zenbaketan sartzen ez direnak; froga-dokumentuak (ziurtagiriak, adibidez) bai zenbatu behar dira mugan, eskaintzak ebaluatzeko garrantzitsuak direlako. Eskaintza anormalak: anormaltasun-parametroa zuzen aplikatzea; anormaltasun-parametroan ezin da sartu parametro horretan sartzen ez den faktorerik. «Galerazko salmenta» dakarten eskaintzak: kontratazio publikoari buruzko legeriak ez du galerazko salmenta debekatzen, ez da nahitaez lehia askearen aurkako praktika bat, ez da egiaztatzen nagusitasun-posizioaren abusua, ez da egiaztatzen betebehar sozialak edo lanekoak ez betetzeko arriskua, ustez galerazko salmentan sartuta dauden lizitatzaileen kostuak botere adjudikatzaileak kalkulatutakoak baino txikiagoak dira. Ebazpenaren ondorioak: errekurtsoa ezestea, zenbatetsitako irregulartasunak ez duelako eragozten errekurtsogileari kontratuaren esleipena lortzea.