Pleguak. Legitimazio aktiboa: zerbitzuaren esleipendun berriaren plantillan subrogatzeko eskubidea duen langile batek du, esleipen-prozedura bertan behera uzteko eta Udalaren plantillan sartzeko eskatzeko; langile horrek berak ez du legitimazio aktiborik langileen gizarte- eta lan-eskubideekiko lotura hipotetikoa edo urruna edo generikoa duten pleguen edukiaren aldaketak eskatzeko (teknika juridikoaren edo idazketaren aldaketak, aurkaratutako klausulek errekurtsogileari eragiten dioten kaltea ez egiaztatzea, edo pleguen mende ez dauden kalteak, enpresaren eta langilearen arteko harremanak baizik). Udaleko plantillan sartzeko eskaera: KEAOk aitortu ezin duen eskubide edo egoera indibidualizatua, inpugnatutako egintzaren legezkotasunetik ez litzatekeelako inola ere eratorriko, baizik eta lan-legeriak eskatutako inguruabarrak gertatzen direlako. Inguruabar horiek hautematea ez dator bat KEAOren eskumenarekin eta errekurtso bereziaren eremuarekin.