Pleguak. Legitimazio aktiboa: sindikatu batek legitimazio aktiboa du langile subrogagarrien zerrenda aurkaratzeko; legitimazio aktiboa kontratua gauzatuko duten langileei eskatzen zaizkien hizkuntza-eskakizunak aurkaratzeko: sindikatu batek dauka, subrogazio-eskubidea duten langileen interes zehatzak defendatzeko. Langile subrogagarrien zerrendari buruzko uzia ezetsi egin behar da, zerrenda hori eskuratzeak ez lituzkeelako beteko errekurtsogileak defendatutako interesak, subrogatzeko betebeharraren iturria legeak edo hitzarmen kolektiboak direlako, eta ez horiek islatzera mugatzen diren pleguak. Hizkuntza-eskakizunei buruzko asmoa ezin da onartu, horrek ez lukeelako langile subrogatuen posizioa hobetuko, haien defentsa baita eskaera legitimatzen duen interes bakarra.