Pleguak. Kontratu baten pleguak aurkaratzea, KEAOk deuseztatu zituen baldintza-agiriak zituen beste kontratu baten ondorio dena, eta ez onartzea lehenago baliatu ahal izan ziren errekurtso-arrazoiak. Prezioa merkatura egokitzea: doktrina orokorra; prestazioaren osagai garrantzitsuetako baten (erregaia) prezioaren aldakortasuna; gauzatze-aldi luze horretan, kostu handiagoak edo txikiagoak dituzten faseak gerta daitezke, eta fase horiek elkarren artean konpentsatu, emaitza gisa prezio orokor egokia emateko; errekurtsogilearen kalkuluek ez dute egiaztatzen botere esleitzaileak diskrezionalitate teknikoaren mugak gainditu dituenik, kostu-kontzeptuen omisio posibleak, nahikotasunez kalkulatutako beste irizpide batzuekin konpentsatzen direnak; arrisku- eta bentura-printzipioak eragozten du ezar daitezkeen balizko osasun-neurriak kostuan sartzea, beste bide batzuetatik konpentsatu ahal izatearen kalterik gabe.