Pleguak. Kontratuen Inguruko Errekurtsoen Administrazio Organoak (KEAO) ez du eskumenik epai baten exekuzioari buruz erabakitzeko. Gauza epaitu administratiboa: ezin dira onartu helburu bera zuten aurreko pleguen kontra alega zitezkeen edo alegatu ziren baina atzera bota ziren aurkaratzeko arrazoiak. Kontratuaren prezioa: Sektore Publikoko Kontratuen Legearen testu bateginak ez du kontratuaren kostuei buruzko azterketa ekonomiko bat egotea eskatzen; eskatzen den bakarra prezioa merkatuaren araberakoa izatea da; errekurtsogileari dagokio egiaztatzea mandatu hori ez dela bete. Ezohiko eskaintzak edo neurriz kanpokoak: errekurtsoak ez du egiaztatzen pleguetan ezarritako formulak arau-hausteren bat duenik. Kaudimena: ezin da alegatu, kontratuari bitartekoak atxikitzeko konpromisoaren kontra, zaila dela errekurtsogilearentzat hori betetzea. Presako prozedura: justifikatutzat jotzen da, eta izapidea koherentea da harekin.