"Pleguak. Errekurtso berezia ebazteko prozedura etetea alarma-egoeragatik, etetea kentzea. Langileen subrogazioa. Ez da informaziorik eman, botere adjudikatzaileak uste baitu ez dagoela subrogaziorik; errekurtsogileak ez du egiaztatu halakorik dagoenik. Kontratuaren xedea: segidako traktuko eta aldizkako kontratuak, unitate-prezioak eta kalkulatutako gehieneko aurrekontua, kontratuaren deskribapen egokia eta haren izaeraren araberakoa; botere adjudikatzailearen diskrezionalitatea kontratuaren objektua konfiguratzean, eta itun-askatasunaren printzipioa, proportziozko eta arrazoizko klausula. Lizitazioaren oinarrizko aurrekontua: botere adjudikatzailearen diskrezionalitatea hura zehazteko, errekurtsogileak ez du zalantzan jartzen aurrekontuaren arrazoizkotasuna, ez da zalantzan jartzen zenbateko batean oro har finkatutako lan-kostuak, hitzarmen kolektiboetan finkatutako ordainsarien ordu-tarteetan haien xehetasuna eskatzeko aukerarik gabe; industria-onura irizpide onargarri baten bidez zehaztu da (Herri Administrazioen Kontratuen Legearen Erregelamendu Orokorraren 131. artikuluaren aplikazio analogikoa), eta, gainera, onura, azkenean, faktore zalantzagarrien eta tinkoakez direnetan oinarritzen da. "