Pleguak. Legitimazio aktiboa: adjudikazio-prozeduran sartzea eragozten dioten klausulak aurkaratzen dituen operadore ekonomikoak dauka; adjudikaziodunaren azpikontratista izatea galarazten dion klausula bat aurkaratzen duen operadore ekonomikoak dauka; baldintza-agiriko beste klausula batzuk aurkaratzeko legitimazio aktiboa esleipen-prozeduran sartzea eragozten dioten klausulak aurkaratzearen aldekoa izatearen mende dago, kasu horretan lizitatzaile potentziala izango litzatekeelako. Gizarte-ekimeneko enplegu-zentroen aldeko erreserba: SPKLk ez die mugarik edo zenbatekorik ezartzen erreserbatu daitezkeen kontratuei; Gobernu Kontseiluaren Erabakiak gutxieneko helburuak baino ez ditu finkatzen; erreserbaren motibaziorik eza, irregulartasun formal hutsa; erreserba gizarte-politikako arrazoiek justifikatutako lehia askearen salbuespen ez-absolutua da; ez da justifikatzen lehia askea haustea. Azpikontratazioa: erreserbatutako kontratuetan ezin da azpikontrataziorik egin gizarte-ekimeneko enplegu-zentro bereziak ez diren enpresekin; azpikontratazioaren kontzeptua.