Esleipena. Errekurtsoa jartzeko legitimazio aktiboa: ez du legitimaziorik parte hartu ez duen lote baten adjudikazioa aurkaratzen duen operadore ekonomikoak, ez du legitimaziorik lote horretatik kanpo dagoen operadore ekonomiko batek lote baten adjudikazioa aurkaratzeko, baldin eta ez badu haren esklusioa errekurritzen eta atzeraeragina eskatzen badu beste balorazio baterako, zeinean ez bailuke parte hartuko bere proposamenak. Aldaerak edo hobekuntzak: prestazio bat hobekuntza edo aldaera gisa kalifikatzea ez dago lizitatzailearen edo botere adjudikatzailearen izendapenaren mende, ezta «aldaera» eta «hobekuntza» definizioaren mende ere; lizitatzailearen deklarazioa ez da ez hobekuntza ez aldaera; deklarazioak ez dio eskaintzaren onargarritasunari eragiten, prezioaren ebaluazioan adjudikazio-irizpide gisa sartzeari baino ez. Prezioari buruzko adjudikazio-irizpidea: adjudikazio-irizpidea oker aplikatzea, lizitatzaileak proposatutako abantaila (hobaria) ezin du botere adjudikatzaileak kontuan hartu (kontratua gauzatzeko fasean izan ditzakeen ondorioak alde batera utzi gabe), baldintza-agiriek ez dutelako horretarako aukerarik ematen; kontrakoa onartuz gero, lizitatzaileek prezioa konpromiso ekonomiko heterogeneoekin konfiguratuko lukete, eta horrek eragotzi egingo luke eskaintzen alderagarritasuna, tratu-berdintasunaren eta gardentasunaren printzipioak urratuz. Ebazpenaren ondorioak: puntuazioen zuzenketak ez du aldatzen proposamenen sailkapen-ordena.