Pleguak. Errekurtsoen metaketa: ez da egokia, alegatutako arrazoien hedadura eta aniztasuna dela eta. Preskripzio teknikoak: "Sartzeko oztopoa", legez eskatutakoa baino preskripzio tekniko handiagoa, ez da behar bezala justifikatutzat jotzen, eta baldintza neurrigabe hori esleipen-irizpide gisa konfigura liteke. Lizitazio-aurrekontua: doktrina orokorra; ez da alegatzen aurrekontua ez dela nahikoa kontratua zuzen gauzatzea edo konkurrentzia nahikoa izatea eragozten duenik; botere esleitzailea ez dago behartuta aurrekontuaren banakapena zehatz-mehatz justifikatzera; ezin da eskatu aurrekontua osatzen duten kontzeptu guzti-guztiak banakatzea, errekurtsogilearen arabera, arriskuaren eta menturaren printzipioa. Klausula horrek exijitzen du kontratistak erreserbako ibilgailua erabiltzeko aldez aurreko baimena eskatu behar izatea: errekurtsogileak ez du alegatu inolako lege-urraketarik. Kontratuaren xedea: botere esleitzailearen diskrezionalitatea kontratuaren xedea konfiguratzeko, aurreko kontratuetan agertzen zen klausula bat ezabatzea, errekurtsogileak justifikaziorik gabekotzat jotzen duena (erabilera orokorreko zerbitzu publikoak atxikitako ibilgailuak atxikitzeko debekua), lehia murrizten duen neurria lege-babesik gabe, legez kanpokotzat jotzen ez den eta merkatuaren egituraren mende dagoen eta aurkaratutako klausularen mende ez dagoen lizitatzaile batzuentzat abantaila, ezin da eskatu esleipenaren inguruabar zehatzak diskrezionalki aldatzea. Klausula kontraesankorrak: gardentasun-printzipioa ez dator bat baldintza-agiriek informazio okerra izatearekin; okerreko klausula baliogabetu egin behar da. Operadore ekonomiko bat esleipendun izan daitekeen lote-kopurura mugatzea: lege-betekizunak; eskaintza ekonomikorik onuragarrienaren printzipioaren salbuespen legegilea, espedientean ez dago justifikaziorik, muga baliozkoa izateko baldintza bat falta da, eta ondorio horietarako ezin da epez kanpo justifikatu errekurtsoari erantzuteko txostenean. Aplikatzekoa den hitzarmen kolektiboaren erreferentzia okerra: eragina aurrekontuaren kalkuluan; gardentasun-printzipioa ez dator bat baldintza-agirietan informazio okerra sartzearekin. Preskripzio teknikoa (10 - 25 plazako modulua): ez da preskripzio tekniko murriztailea. Izatezko errorea kontratu-dokumentu bat izendatzean. Esleipen-irizpideak: botere esleitzailearen diskrezionalitatea esleipen-irizpideak ezartzeko, errekurtsogileak botere esleitzailearen diskrezionalitatea berearekin ordeztu nahi du, eta esleipen-irizpide batek kontratu-prestazioa gauzatzen duten langileen esperientzia balioetsi dezake, eskaintzaren kalitatearen erabakigarria bada. Alkoholaren eraginpean gidatzeko debekua droga guztietara zabaltzeko asmoa: debeku hori arau juridiko batean jasota dago. Langileen subrogazioa: alegazioa ez dator bat aurkaratutako agiriekin. Ebazpenaren ondorioak: hutsen zuzenketa, esleipendun izan daitekeen gehieneko lote-kopurua ez justifikatzeak baldintza-agiriak baliogabetzea eta lizitazioa ezeztatzea dakar, baina ez du aurrez juzgatzen KEAOk, hala badagokio, agiri berriei buruz eta horri buruz ematen den arrazoiketari buruz esan dezakeena.