Esleipena. Eskaintza teknikoa: eskaintza ez dago kontraesanean eta ez dago proposamenaren seriotasun faltaren zantzurik; eskaintza anormalki baxua: eskaintza ez dago anormaltasun susmopean, ezta SPKLren 149. artikuluko prozedura hasteko oinarririk ere. Lehia askearen printzipioa; lehiakideak kaltetzeko eta merkatutik kanporatzeko asmoz galerazko salmenta; errekurtsogileak ez du frogatzen lehiaren arloan legez kontrako baten legezko baldintzak betetzen direnik; ez da frogatzen estrategiarik dagoenik, ez eta esleipendunak estrategia horri eusteko behar adinako botere ekonomikorik duenik ere; errekurtsoa jartzeko arrazoiak espekulazio edo onarpen hutsezko irismena du. Eskaintzaren balorazioa: esleipen-irizpidearen funts arautua urratu da, eta hori ez da garrantzitsua errekurtsoa baiesteko. Esleipen-prozeduraren inpartzialtasuna: kontratazioaren premiari buruzko memoria, esleipen-irizpideen ezarpena eta proposamenak baloratzeko txosten teknikoa sinatzen duen pertsona; ezin zaizkie, analogiaz, kontratazio-mahaiei aplikatu Adituen Batzordearentzat aurreikusitako arauak; ez dago debekurik mahaiko kideek eskaintzak ebaluatzeko txosten teknikoak egiteko. Fede txarra edo ausarkeria: ezin da zehapenik ezarri, errekurtsoa jartzeko arrazoietako bat onargarria zen, nahiz eta uziaren bideragarritasunean eraginik ez izan.