Esleipena. Motibazioa eta diskrezionalitatea: doktrina orokorra; esleipenak diskrezionalitate teknikoaren mugak errespetatzen ditu; ustezko motibazio faltak ez du defentsa-gabeziarik eragiten, errekurtsogileak gehienezko puntuazioa lortu duelako; ebaluazioan ez dago bikoiztasunik, baizik eta gertaera berak bi irizpidetan duen eragina; lizitatzailearen esperientziari buruzko iruzkinek ez dute esan nahi faktore hori baloratzen denik, eta eskaintzaren kalitatea ilustratzeko modu bat baino ez dira. Aldaerak: esleipendunaren eskaintzan ez dago aldaerarik, eremu desberdinetarako irtenbide desberdinik. Aldi baterako enpresa-elkartea (ABEE): ez du garrantzirik enpresetako batek merkatuan bitartekari gisa jarduteak, xede sozial egokia duelako, Gizarte Segurantzan inskribatuta dagoelako, ez dagoelako kolusio-akordioaren frogarik edo zantzurik, esleipenaren osteko ABEEa formalizatu zen eguna, ez da beharrezkoa kontratuaren xedea eta Jarduera Ekonomikoen gaineko Zergaren epigrafea hitzez hitz bat etortzea. Aurkaratutako esleipendunak alegaziorik ez egitearen ondorioak: ez da aldatzen frogaren zama, eta ez dakar errekurtsoarekiko adostasuna. Errekurtsoari erantzuteko txostena: kontratazio-organoak egin ez duen baina berak bidali duen txostena, alegazio erretorikoa, txostenak irregulartasunak ulertzea zailtzen duela dioena, KEAO eta ez errekurtsogilea konbentzitzeko dokumentua delako.