Hasiera-ra joan

Informazio orokorra


Ohar garrantzitsua - Euskadiko kooperatiben legea

Euskadiko Kooperatiben abenduaren 20ko 11/2019 Legea aldatzen duen urriaren 7ko 5/2021 Legeak zortzigarren artikuluan ezartzen du: "Bigarren xedapen iragankorraren 2. paragrafoa aldatzen da, eta honela geratzen da idatzita: «2023ko abenduaren 31ra arte, sozietate kooperatiboek beren estatutuak berrikusi eta egokitu beharko dituzte lege honetan jasotako agindu-izaera duten arauetara»".

Informazio gehiago:  5/2021 LEGEA, urriaren 7koa, Euskadiko Kooperatiben abenduaren 20ko 11/2019 Legea aldatzekoa (leiho berri batean irekitzen da)(EHAA 209 zk., 2021/10/20).


Lizitatzaileen eta Enpresa Sailkatuen Erregistroa

Euskal Autonomia Erkidegoko Lizitatzaileen eta Enpresa Sailkatuen Erregistroa sortu zen Euskal Autonomia Erkidegoko administrazio publikoarekin kontratatzen duten edo kontratatu dezaketen banakako enpresei edo enpresa sozialei buruzko datuak biltzeko zentro bat behar zelako.

Datu horiek EAEko administrazio publikoen kontratazio-organoen eskura jarri dira, erregistroan inskribatuta dauden enpresen gaineko kontsultak egiteko eta haiei buruzko informazioa eskuratzeko.

Lizitatzaileen Erregistroan inskribatuta egoteak dituen abantailak

  • Enpresek parte hartzen duten lizitazio-prozesuen izapidetzea sinplifikatzea eta arintzea, eta, zenbait kasutan, dokumentazio erredundantea entregatu beharrik ez izatea.
  • Inskribatuta dagoen enpresa bakoitzak horren berri ematen duen ziurtagiri bat du; horri esker, Euskal Administrazio Publikoaren lizitazioetara aurkez daitezke. 6 hilabeteko iraupena du, eta behin sei hilabete igarotakoan berritu egin beharko da (ikusi automatikoki berritzea).
  • Komeni da adieraztea gero eta administrazio gehiagok egiten duela prozedura hori telematikoki, eta horrek asko errazten duela prozesua enpresentzat.
  • Lizitatzaileen erregistroan inskribatuta egonez gero eta ziurtagiria indarrean, enpresek zuzenean erabil dezakete lizitazio elektronikoaren aplikazioa.

Azken aldaketako data:

Euskadi, auzolana